Beyond前晚舉行首場告別演唱會，三子分別以rock友、阿拉伯look、西裝友和雨衣怪客造型登場，令全場觀眾起立尖叫，其間有fans傳紙仔呼籲Beyond重組，但黃家強表示三子在音樂上有分歧，故此才會分道揚鑣。
本地搖滾班霸Beyond最後一次以樂隊名義舉行的六場演唱會「BEYONDTheStoryLive2005」，前晚在紅館揭開序幕。三位成員黃貫中（Paul）、黃家強和葉世榮施展渾身解數，又彈又唱，與擔任嘉賓的太極樂隊一起jam歌，演出精采。
Beyond三子分別以rock友、阿拉伯look、西裝友和雨衣怪客造型亮相，其中阿Paul身穿桃紅老西、家強則扮黃綠雨衣怪客。他們先後在升降台和鐵籠內高歌，舞台大電視則不時播放Beyond的舊片段，其間還播出已故主音黃家駒以前錄下的聲帶，他說：「無論我自己去到幾遠，始終都會返嚟呢度。」
前晚fans表現興奮，大部份時間均起立尖叫，有人更在觀眾席間傳紙仔，內容希望大家一起呼籲Beyond重組，不要拆夥。不過黃家強在尾聲時說：「今日我哋雖然會分開，但始終有個完美句號。」高歌一曲《抗戰二十年》後，Beyond在沒有安哥下便結束演唱會。
其後Beyond在後台接受訪問，家強公開Beyond拆夥原因，他說：「我哋各有音樂理想，取向有少少唔同，大家都有執着同分歧。有共鳴時可以喺番一齊唱歌。」問會否因此影響感情？家強說：「都會，有分歧係易影響感情，但我哋冇唔妥，大家感情好好。」
世榮表示看見有歌迷落淚，家強則說：「希望大家尊重我哋嘅決定，每個人都有自己嘅計劃，要改變一個計劃唔簡單，當大家睇化嘅時候咪喺番埋一齊，我眼線化，人就未化。」
問Beyond會否在尾場演唱中舉行告別儀式，家強搞笑地說：「殺咗世榮嚟祭神啦。」提到三子在鐵籠中唱歌時，燈光在籠外投射出類似男性性器官的圖案，阿Paul笑說：「你哋諗太多啦，好似夜晚見鬼一樣，你哋喺天星碼頭見到五支旗杆，會唔會好似見到五碌嘢呀？」
採訪：王連連 攝影：陳偉權
