新車速報：KiaSorento2.5Diesel<br>平霸旅行車起亞柴油四驅扭得好

新車速報：KiaSorento2.5Diesel
平霸旅行車起亞柴油四驅扭得好

柴油引擎有着低轉高扭力輸出特性，日常除卻商用車採用外，查實唔少RV車迷亦喜歡用上柴油版四驅車。韓國起亞（Kia）代理便新近替一班RV車用家，引進Sorento車系的2.5公升柴油Turbo型號，雖然礙於規限，部車需要將後窗封密同刪除尾排座椅，但以唔到15萬車價，可擁有一部電子四驅選擇的真正全天候RV車，又真係好吸引。

記者、攝影：陳偉林

可隨時轉換兩驅/四驅

電油引擎以馬力取勝，而柴油引擎則以扭力見稱，雖然呢部Sorento2.5Diesel版只得140匹馬力，但扭力在2000rpm低轉下，卻產生出32.0kgm高峯值，加上一套傳統不過的5前速手波編排，筆者經過實地測試時候，感受到轉檔切換既明確又順暢之餘，可隨時轉換兩驅或高扭力四驅的電子旋扭選擇，攀爬山道可謂全不費吹灰之力，完全凸顯出Sorento真正全天候的能耐。

尾廂勁大
■前後艙以鐵絲網分隔以符合法例要求。

■刪除尾排後座的車尾廂，有更充裕的載物容量。

■尾地台下另置有雜物匣，夠晒方便。

拆座椅載物量倍增

由於運輸署的規限，這部Sorento新版的車廂，就只剩得前排一雙座椅組合，雖然搭載乘客量減半有多，但尾廂的載物容量卻有近倍增益，對日常只得一、兩名乘客嘅用家，確實並無任何損失。再者，配套設備既有齊電窗、原廠冷氣，又有高級音響同前後獨立房燈裝備，都可謂一應俱全。

桃木前艙不失貴氣
■前艙加有桃木修飾，營造有轎車格局外，四幅式軚環有不俗手感。

■前排屬仿桶絲絨座椅，駕駛席重有多級調校。

■前排之間的大型手枕內置儲物匣，還有雙杯座組合。

■中控台有齊原廠冷氣，並預留有音響座配搭。

■5前速手波編排，轉檔切換明確順暢。

■傳統不過的三圓表板鋪排。

■表板旁有電子四驅旋鈕，因應路面情況切換。

魁梧RV配雙色車身

近年香港人追捧RV車，除卻這類型車種有剛強吸引的造型之餘，魁梧的身軀更予人有多一份安全感。正如Sorento本身以歐洲車賣相示人，既容易為車迷受落，加上Two-tone顏色的車身配搭，給人有貴氣感外，四輪拋沙板配襯尾定翼連High-mount煞車燈，更活現出朝氣來。

■Two-tone顏色配襯的防撞泵把，不失粗豪感。

■除前窗以外兩旁後窗，須按法例以車身原色封密。

■車身兩旁裝有雙色防撞腰線，提高保護度。

■高置尾定翼連High-mount煞車燈，點綴之餘又有實用性。

■雙圓高聚焦頭燈輔有三級上下調校。

■車尾兩旁直立式車燈組合，層次分明清晰奪目。

KiaSorento2.5DieselSpecifications

引擎：2497cc直4DOHC柴油Turbo
馬力：140ps/3800rpm
扭力：32.0kgm/2000rpm
傳動：5前速手波，可選擇四驅
懸掛：（前）雙搖臂（後）五連桿
制動：（前）透氣碟（後）透氣碟（ABS）
輪胎：225/75R16KumhoRadial798
尺碼：4567×1863×1730mm
軸距：2710mm
車重：1863kg起
車輛提供：起亞汽車（27609933）

■起亞Sorento2.5Diesel出色的懸掛及底盤結構，無論On-road或Off-road都有不俗表現。