退休高官鍾麗幗一行出衙門就轉投恒基，重高調幫手宣傳角逐西九，被人非議有利益衝突，為免繼續受批評，近排鍾麗幗銷聲匿迹冇公開露面。
正如恒基大老闆四叔李兆基話齋，佢縱橫商界幾十年，使乜問鍾麗幗！鍾麗幗唔蒲頭，恒基仍然落足本錢宣傳西九，星期二就請咗號稱蘇浙北部最有規模博物館嘅揚州博物館幾位要員嚟香港，同四叔傾吓日後西九發展大計，有大孖沙關照，揚州市文化局局長陸蘇華同揚州博物館館長袁淮都拍心口話若然恒基奪得西九，揚州博物館可以借出漢、唐文物同逾百幅清代揚州八怪名畫畀恒基放喺擬建嘅水墨書畫博物館展出，不過呢啲都係期票，恒基贏咗，香港市民先有機會睇到。
（圖）揚州博物館館長袁淮（右）同博物館要員，去到大窩口村睇本地藝術家作品展覽。
傳真︰2623-9278
電郵︰