任達華前晚往尖沙嘴欣賞石雕展，提到田亮被踢出國家跳水隊一事時，他說：「佢咁嘅年紀係要做抉擇，運動員嘅生命有限，唔好畀咁多壓力自己，做娛樂圈都開心嘅，不過要有大公司支持佢，唔跳水咪拍跳樓戲囉。」
而劉德華昨日在新城接受訪問時則說：「我睇咗新聞，係有少少詫異，我聽佢回應時覺得佢會反省同檢討自己嘅行為。其實距離○八年重有一段時間，大家唔好判佢死刑，亦未必需要用到可惜嚟形容，一切言之尚早。
「國家隊有佢哋嘅想法，我都想打波，但要參加訓練先有得比賽嘛，就好似考試都要上夠一定堂數先考得啦！我相信田亮有自己嘅計劃，大家溝通了解後先再算啦！只係歷年來未試過咁嘅情況，當年我諗住伏明霞跳晒水我就簽佢，不過佢已經為自己打算咗啦！」
此外，名模陳嘉容昨日在油麻地謝瑞麟珠寶店出席「新女性」+「新寵兒」頒獎禮時，力撐田亮說：「每行都有行規嘅，不過我覺得佢出席商業活動問題都唔係咁大，娛樂圈係需要新面孔嘅，我都好期待佢嘅發展。」