馬浚偉前晚往新城接受節目《生活好國度》訪問，他透露來年雞年運程好好，因為沒有犯太歲兼驛馬星動，他說：「早前我去睇相，個相士話我驛馬星動，我覺得好準，因為今年我會周圍飛幫劇集做宣傳，而三月尾我會放十幾日大假坐郵輪去東南亞一帶旅行。」
馬浚偉表示今次是首次坐郵輪，因為可以每到一目的地，便可落船觀光，比較彈性同舒服，他說：「越南係其中一站，我未去過越南，印象中重係好似喺番越戰個年代。」
此外，馬浚偉亦得悉羅家英患腸癌一事，他說：「之前都聽過，不過以為係腸炎而唔係癌，不過我冇佢聯絡電話，最近一次見面係返內地樟木頭做嘢，希望佢快啲好番。」
馬浚偉輕歎續說：「好驚聽到呢啲嘢，身邊好多朋友都有病，令我人生觀改變唔少，我以前唔會放十幾日假去旅行，但𠵱家會對自己好啲。」