房祖名和薛凱琪昨日於西貢拍電影《早熟》，房祖名在未拍戲前覺得薛凱琪很寸，合作後才對她改觀，對於有指獲薛凱琪用炸雞追求他，祖名說：「佢施捨我啫。」
房祖名和薛凱琪昨日在西貢一偏僻小島拍攝電影《早熟》，劇情講述兩人私奔後，祖名在溪間捉魚，只見他身手靈活，兩三下手勢已將魚捉起，頗有其父成龍風範。
日前薛凱琪在電台訪問中自爆房祖名未跟她合作時並不喜歡她，指她態度寸又無禮貌，合拍電影後才對她改觀。薛凱琪昨日直認說：「因為佢係一個好熱情嘅人，但我就好怕醜，我打完招呼就即刻走人，佢會覺得我cool，但合作之後佢先知我係好慢熱嘅人，特別係同artist。不過我覺得女生怕醜冇問題，好多朋友起初都唔鍾意我。」問房祖名可覺得對方寸，他說：「初初都覺佢有少少，但後尾先知佢係怕醜。」
至於有雜誌指薛凱琪用炸雞追房祖名，祖名昨日澄清說：「唔係呀，佢施捨畀我食，因為我肚餓同埋嗰日天氣凍，佢畀幾嚿我食咋。」談到雜誌指薛凱琪很姣，祖名又維護說：「唔好用呢啲字眼咁肉酸，唔好聽，咁會影響人心情。」祖名更表示不會因此和對方保持距離，至於二人可會日久生情，祖名即表示現階段不會，將來事情則不知道。
對於被指追求祖名，薛凱琪無奈地說：「一時又話同性戀，一時又話『姣溝』，邊有咁多嘢？我相信觀眾會分析得到，未必信。」
採訪、攝影：馮美茵
