喺上海發迹嘅泰昌祥輪船噚日喺香港報章登咗一則訃聞,話顧國華老先生上周五喺養和醫院病逝,享年八十有一,顧家今日會喺香港殯儀館設靈,星期六早上舉行公祭及辭靈禮之後,遺體會擇日送回佢家鄉上海市安葬。
顧國華係特首董建華嘅舅父,董阿媽顧麗真係顧國華嘅家姐,據《董浩雲的世界》一書記載,董建華父親董浩雲當年因為得到泰昌祥輪船創辦人顧宗瑞嘅賞識,覺得佢係一個有幹勁嘅年輕人,所以招佢為婿,之後重幫佢發展,又將旗下嘅船隻畀佢間中國航運代理。
董浩雲後嚟不負外父所望,成為了世界船王。
至於董浩雲呢位舅仔顧國華,亦自少立志隨父從事航運業,他生於上海,畢業於美國賓夕凡尼亞大學航運系,對海商法甚有研究,晚年更成日捐錢返家鄉,做咗寧波市「榮譽市民」。
顧國華嘅治喪委員會包括有曹文錦、曹光彪、周亦卿以及李和聲等。
傳真︰2623-9278
電郵︰