數數手指，還有十多天便到農曆新年，係時候為家中增添節日色彩。紅噹噹的揮春、好意頭的節日掛飾當然不可少，但講到「應年」，非雞莫屬。市面上出現形形色色以雞為主角的擺設，搞鬼又有噱頭。
記者：區佩嫦
攝影：蔡鴻雯、伍慶泉
Model：Katie
應節揮春 設計愈來愈潮
由細至大都覺得貼揮春等同許新年願望，不過小時候是被媽咪強迫貼，大個是為好意頭而自願貼。一直以來揮春都以紙製為主，今年則以布及立體為主打，加上搞鬼的字句，連揮春都愈來愈潮。
幸運輪測運氣
這款Snoopy立體揮春，大玩幸運輪，你可以轉動幸運輪預測一下你的運氣，較一般齋睇無得玩的揮春特別。
售價：
$9.9（c）
3D馬不停跑
對於馬迷而言，馬運亨通是揮春的必然選擇。膠製的3D揮春，當你把揮春郁動時，即會見到揮春上的馬正在奔跑，加上一馬當先的吉祥句子，啱晒馬迷。
售價：$8（a）
麥嘜賀歲
每年新年也會期望麥嘜的經典賀年句子，今年麥嘜便推出了這款布製揮春。頭戴中國卜帽的麥嘜將「金玉滿堂」改為「珠玉滿堂春」，夠晒搞鬼。
售價：$29（a）
傳統剪紙至精細
這款揮春用上中國傳統的剪紙藝術製成，一對有齊「恭喜發財」、「萬事如意」的祝賀字句，手工夠晒精細，而且還可以貼在玻璃上，夠晒方便。
售價：$18（e）
大福有氣氛
同樣用上剪紙藝術的揮春，紅色絨卡紙剪出精細的花形圖案，再綴以「福」及「恭喜發財」字句，極具賀年氣氛。
售價：$19.9（c）
超冧貓戀人
愛貓一族必定不會錯過這幅難得一見的貓揮春，互相依偎着的貓咪，夠晒冧，加上揮春上的貓頭印花，讓你過一個超冧的新年。一包備有兩幅不同字句的揮春。
售價：$18（a）
雙寓意祝福味濃
這款大口仔揮春，招牌擘大個口的大口仔旁綴以鯉魚及金元寶點綴，寓意年年有餘及財源廣進，加上紅底金字的祝福字句，買來鼓勵小朋友最啱。
售價：$40（a）
揮春變抹巾
論特別，這款揮春絕對稱冠。這塊其實是一塊印成揮春模樣的抹手毛巾，兼具裝飾及實際用途。另一過癮處是揮春的魚及吉字用了圖畫代替，夠晒搞鬼。
售價：$10（c）
跳躍小雞夠生動
又到雞公仔出場的時刻，這套揮春一包兩款，每款均印上不同的字句。雖以簡體字印製，但勝在設計精美，而且小雞的造型夠晒過癮生動。
售價：$13.8（g）
超迷你盞鬼揮春
只有6cm長的超迷你揮春，全塊用上絨布製成，絨布兩邊均繡了不同的字句。搞鬼的有「老公聽話老婆發達」、諷刺時弊的有「香港無怨氣人人添喜氣」，可掛在手機或賀年花上作點綴。
原價：$10 特價：$8（a）
賀年掛飾卡通傳統兼備
想點綴家中的走廊、露台，又唔想貼揮春咁單調，不妨揀啲體積大少少的立體掛飾。市面上的立體掛飾選擇甚多，當中以紙及布為主流，由生鬼的卡通人物到傳統的走馬燈都有，極具特色。
順風順水
這款Snoopy掛飾以大堆頭為賣點，差不多整個Snoopy漫畫的角色都齊集一起，全部穿上日本賀年服，坐在船上向大家拜年，得意好意頭。
售價：$29.9（c）
立體TwinStars
LittleTwinStars布製掛飾，布上的點綴全部設計成立體，配合寓意如意吉祥的如意結，你又怎可錯過？
售價：$60（a）
Q版財神爺
至愛的財神再次出場，今次財神爺以Q版形象示眾，手捧金元寶祝福各位財運亨通，最啱想發新年財的朋友。
原價：$20
特價：$16（a）
走馬燈求姻緣
恨姻緣到的話，趁佳節不妨在家中掛上走馬燈。這款紙製的立體走馬燈，燈上綴以牡丹花及燕子圖案，記住走馬燈裝飾必須在元宵後才可拆除，否則唔會靈驗。
售價：$28.8（a）
雞×福夠意頭
嫌紙製的裝飾太悶蛋太普通的話，這款布製的掛飾感覺又如何？全個以絨布製成的掛飾，由人手逐針逐針縫製而成，配合「福」及如意結，為雞年添上極佳的意頭。
售價：$36（b）
雞都飛起
雞年一到，雞擺設即大發神威。這款立體掛飾，花形的環內以振翅的雞作點綴，再綴以大紅燈籠形的揮春賀句，夠晒搞鬼。
原價：$20
特價：$16（a）
新年擺設買雞至應景
雞形擺設是05年賀年擺設的必然選擇，無計！鬼叫係雞年，當然要買嚟應應景。款式包羅萬有，要Cutie有Cutie，要貴氣有貴氣，多到令你花多眼亂。除了雞外，還有其他具意頭的擺設任你揀，邊款最合你心意？
福祿壽小雞
寓意開運的緣起物，一大三小的Cutie雞向你祝賀，最搞鬼係前排的小雞穿着「福」、「幸」、「壽」的紅肚兜，同中國的福祿壽有異曲同工之妙。
售價：$150（a）
人手製布雞
今年要搵雞的擺設一啲都無難度，但要搵款式特別的話，又要花一點工夫。這隻布製公雞，全隻以不同顏色的布配搭，再以人手縫製而成，夠晒矜貴。
售價：$42（b）
威武銅雞
嫌卡通雞擺設太孩子氣的話，這款栩栩如生的雞擺設又如何？全隻雞用上實銅雕製而成，手工精細，公雞的威武神態活靈活現，加上吉祥木牌，寓意來年萬事吉祥。
售價：$800（d）
開合元寶
賀年的擺設當然要有意頭，相信你與我最大的新年願望都是發達。不妨添置這個金元寶擺設。只要開啟電源，2位運財童子手持的招財進寶金元寶便會一開一合，財源滾滾來。
售價：$48（e）
財神爺人人鍾意
這個布製財神可滿足你見財神的願望，財神一副瞇眼微笑的慈祥可愛樣，手持招財金元寶，財運自然到你手。
售價：$29（f）
軟腍腍金元寶
布製金元寶，只要輕拍元寶，即會發出炮仗聲及播出「恭喜你」一曲。配合元寶上的金銀滿屋字句，極具氣氛。
售價：$18（h）
店舖資料
(a)西田百貨 26941111 沙田新城市廣場三期2樓
(b)裕華國貨 23840084 佐敦彌敦道301-309號
(c)吉之島 28846888 鰂魚涌康山道2號康怡廣場南
(d)公啟行 25441503 上環文咸東街59號安榮大廈地下
(e)生意滔 34223101 旺角洗衣街127號C舖
(f)實惠 26638833 旺角荷李活商場2樓全層
(g)崇光百貨 28338338 銅鑼灣軒尼詩道555號
(h)日昇玩具 28931600 灣仔太源街18號地下