香港嚇人嘅生物最近蒲晒出嚟，白紋伊蚊呀，紅火蟻呀，噚日連香港電台都出現老虎！放心，港台只係拍咗一系列嘅《放虎歸山》多媒體節目，介紹中國獨有兼瀕臨絕種嘅華南虎，噚日重專登搞咗個記者會，請咗由中國人成立，保護華南虎最落力嘅「拯救中國虎國際基金會」始創人「虎女」全莉嚟㖭！
虎女話𠵱家華南虎喺中國野外只剩十至三十隻，佢用咗八百萬美金喺南非買咗十七個農場，近三百三十平方公里，開闢一個老虎谷，將四隻動物園出生嘅華南虎運去呢個保護區生活。佢又話正向奧委會申請將華南虎作為○八北京奧運吉祥物，因為大熊貓嘅形象軟綿綿代表唔到中國人嘅剛烈；龍又係一種虛假的動物；羚羊又係嚟自西藏，所以華南虎先至最適合。
傳真︰2623-9278
電郵︰