陳宇琛與唐詩詠昨日齊齊學做蘿蔔糕送贈長者，提到與袁彩雲胞妹袁麗娜拍拖一事，陳宇琛直認感情發展穩定，稍後更會出錢買機票讓正在英國讀書的女友返港度假，以解兩地相思之苦。
陳宇琛與唐詩詠昨日齊到銅鑼灣禮頓中心的中華煤氣烹飪中心，學習炮製賀年食品蘿蔔糕，二人有份製作的蘿蔔糕，將於本周六舉行的《愛心蘿蔔糕贈長者》活動中，贈給二千名長者。
陳宇琛與唐詩詠昨日在導師指導下首次製作糕點，陳宇琛炒起材料時還算有板有眼，相反唐詩詠則表現得有點雞手鴨腳，自言平日甚少下廚的她說：「細個都見阿媽整，我就好懶，淨係識食，我最鍾意食馬蹄糕，唯一叻係煲椰子雞湯。」
而陳宇琛則表示全賴以前在英國讀書時經常下廚，故練得一手好廚藝。被問與袁彩雲二十歲的胞妹袁麗娜（Lina）拍拖半年，二人可有試過煮燭光晚餐撐枱腳時，陳宇琛說：「佢家姐煮嘢食叻我咁多，我點敢獻醜呀！」
陳宇琛又透露女友現時已返回英國讀書，不過之前他曾帶女友見家長，他說：「我屋企好開通嘅，佢𠵱家返咗去讀書，我過年期間有新劇上要宣傳，唔可以過去探佢，佢三月放假我會買機票請佢返嚟，佢已經要成日飛嚟飛去，我唔想佢用咁多錢，情人節就會上網訂禮物畀佢。」
採訪、攝影：卓美娟
