南亞海嘯過咗成個月，香港人嘅賑災行動從來冇停過。噚日書畫界有成一百個團體合辦字畫義賣活動，有啲人重即席揮毫，墨都未乾透就掛起嚟賣，果然係籌款心切。
唔好以為中國書畫呢家嘢一定係畫啲傳統嘢，除咗啲山水對聯之外，香港畫家聯會前會長陳漢齊竟然畫咗幢朗豪坊水墨畫，潮到極！成個場有幾百幅作品任揀，由幾百蚊到幾萬蚊都有，可以話豐儉由人。就嚟過年，揀番幾幅，送禮自用，又可以賑災，一舉幾得。義賣會喺普藝拍賣行開到二十八號，大家不妨去睇吓。
（圖）陳漢齊（右）畫嘅朗豪坊水墨畫（箭嘴示），真係別樹一格。
傳真︰2623-9278
電郵︰