行政會議嘅梁振英同其他非官守成員，最近分兩輪約啲傳媒老總食飯，第一輪本周一食飽咗。由梁振英安排，六位成員包括查太、鄭耀棠、曾鈺成、廖長城、周梁淑怡以及陳智思都到齊，話題離唔開西九同政改。
講開行會議員，好多傳媒都習慣叫Laura做查史美倫或查太。八方聽聞，Laura其實私底下十分介意俾人喺個名前加個夫姓，因為佢係律師出身，作風鬼婆，一直都係好獨立嘅女性，有自己嘅事業，反抗中國夫權社會，佢前衞過陳方安生所以主動唔提老公姓；佢喺大陸做中國證監會，都冇人叫佢做查太，個個都叫佢做史美倫，但返到嚟香港，人人都叫番佢做查太，乜太物太咁叫，係香港特色，例如陳太、范太，至於佢個花名「查死你們」，自從佢劈炮逃離大陸，就冇人再提嘞。
傳真︰2623-9278
電郵︰