袁詠儀前晚在深圳為卡地亞新店剪綵，談到與男友張智霖拍拖多年仍未結婚，袁詠儀表示現時的生活模式十分舒服，至於男友不時傳出緋聞，她則表示做娛樂圈這麼多年，已經看化了，只要不太過份便可，她並澄清自己不是惡女，從不管束男友私人生活。
超級品牌卡地亞為慶祝深圳西武百貨及福田店開幕，前晚於西武百貨店舉行盛大開幕活動，並請來袁詠儀（靚靚）剪綵及任點睛嘉賓，還有模特兒如AnaR.等示範鑽飾。
靚靚佩戴了總值近二百萬元的卡地亞鑽石形珍珠首飾出現，點睛儀式進行過後，她在卡地亞大中華區董事陸慧全陪同下參觀新店。靚靚表示今次答允出任嘉賓是因為自己也是此品牌的擁躉，並識趣的說：「我自有賺錢能力開始，第一隻買嘅就係呢個牌子嘅表，另外ChiLam（男友張智霖）有年情人節都送過卡地亞嘅珠寶畀我。」
問靚靚與ChiLam拍拖多年，何時結婚？她說：「我已經過咗恨結婚嘅階段，𠵱家一齊生活好舒服，有時唔變都係好事。」問她不渴望生BB嗎？她說：「都想嘅，呢樣睇緣份啦。」記者指ChiLam不時傳出緋聞，結婚正是可箍住他的方法時，靚靚則說：「做娛樂圈咁多年，都睇化晒，只要啲緋聞唔係太過份就OK。」
靚靚續說：「外間成日話我箍住佢，講到我好似個惡女咁，我都有溫柔一面㗎，你哋要幫我澄清，唔係嫁唔出就唯你哋是問。其實我唔會管ChiLam嘅私人生活，正如我都唔鍾意人哋管我。」她更表示十分享受一個人在家的生活，她說：「我試過有次返香港一個禮拜都喺屋企唔出街，啲朋友重以為我有自閉症㖭。」
採訪：JessicaNgan
攝影：IpKwanHoi
