蘋果日報慈善基金早前與聖雅各福群會合辦「單親家居維修專戶」，協助單親家庭進行家居維修，近日阿玲便透過該計劃，獲義工師傅上門替其維修廚房洗碗盆水喉、廁所水箱以及更換大門門鎖等。由於該會的求助個案不斷增加，現急需招募大量義工師傅。
對於義工師傅的工作表現，阿玲讚不絕口，「之前廚房嘅水喉成日漏水，使咗幾百蚊搵人整，都係唔得，但聖雅各師傅上門幫我整完之後，𠵱家冇再漏水；門口把鎖早排壞壞哋，叫人整又要幾百蚊，好彩有師傅幫我換晒成個鎖膽，幫我慳番唔少錢，我覺得義工師傅好好人、好專業，做嘢好認真同埋細心。」
阿玲的丈夫早年病逝，遺下她與十二歲女兒小芬相依為命，她現職文員，月入僅足餬口，難以花費數百元家居維修費，遂向聖雅各福群會求助，獲義工師傅上門維修，令其居住環境得以改善。
該會每月接獲近三十宗求助個案，惟義工師傅人手有限，該會現招募大量有以下維修技能的師傅：水、電、油漆、木工、鋪膠地板或泥水等，加入義工行列。查詢電話：28354371。
「單親家居維修專戶」捐款編號：C0342
暖流熱線
電話：29908688
傳真：23702192
電郵：
網址：