上個禮拜電盈正式公布咗網通入股之後，外間最關心唔係八號仔喺祖國有乜新搞作，亦唔係會唔會引發裁員，而係小小超李澤楷係咪玩厭離場。好似前日同噚日，就分別有兩本雜誌同埋一份西報，大字標題話小小超功成身退將會轉戰日本，又話由於有新商機同新女朋友，所以佢要一個禮拜去一次日本。
實情係點八方無從判斷，不如問當事人。小小超就同八方講，第一，從舊年秋天到𠵱家，佢都冇踏足過日本；第二，佢八成時間係放咗喺八號仔同埋盈科大衍兩家公司度，雖則可以講重有兩成時間，但點都唔夠用嚟轉戰東京！總之，簡單咁講，佢暫時喺「生意上面」係冇任何「東京攻略」囉！
傳真︰2623-9278
電郵︰