無綫重頭劇《隨時候命》昨日試造型，無綫高層曾勵珍更親自監場，還下令一眾演員拍攝期間不可度期外出，以及不准遲到，新人鍾嘉欣即時被嚇得口窒窒，但反斗的鄭伊健竟敢反駁說：「珍姐話佢哋啫，我早已經度晒期出嚟。」
無綫即將開拍一套有關飛行服務隊的新劇《隨時候命》，演員包括鄭伊健、林保怡、佘詩曼、楊思琦及鍾嘉欣等，昨日數十位演員齊集將軍澳電視廣播城試造型，而香港飛行服務隊人員亦會協助參與拍攝工作。
無綫戲劇分部副總監曾勵珍昨日親自監場，介紹劇集之餘還嚴厲地說：「拍呢套劇要隨時候命開工，首要條件係唔可以妨礙飛行服務隊工作，所以期間藝員唔准度期出去，唔准遲到。」珍姐此言一出，一眾藝人自然不敢怠慢，鍾嘉欣自我介紹時，未知是否被珍姐威嚴嚇怕，說話即時口窒窒，要林保怡打圓場。
反而被珍姐寵愛的鄭伊健，雖然已有七年未有替無綫拍劇，但昨日一聽見珍姐的一番叮囑後，不但沒有半點怯意，還鬼馬地說：「珍姐講佢哋啫，唔係話我，我由舊年已度期度到今年，所以都冇話推咗啲乜嘢工作，之前無綫重安排我秘密去訓練，拍攝時又要落水救人，又要喺直升機吊落山頭，今次學咗嘅嘢，真係可以大派用場。」
