英皇旗下藝人鄭希怡（Yumiko）、梁洛施（Isabella）、Boy'Z和李逸朗，昨日齊齊現身新城電台，對於同門師弟田亮被踢出國家跳水隊一事，眾人均表示感到可惜。Boy'Z成員Steven說：「我好鍾意睇跳水，特別係田亮同郭晶晶，覺得佢哋好勁，如果件事係真，我覺得令全中國十幾億人少咗個跳水偶像。」
問到是不是娛樂圈太吸引，令跳水運動員寧做明星放棄運動員生涯時，Kenny說：「呢行表面好風光，但唔風光嘅大家睇唔到。我只見過田亮一次，唔可以就咁判斷佢係咪貪慕虛榮。」
至於李逸朗則說：「如果田亮被取消資格，係國家隊嘅損失，觀眾亦冇眼福。其實一個人可以有唔同身份，好似碧咸咁，佢係一個足球員，又拍廣告，紅過好多藝人，我覺得田亮都可以兼顧唔同身份。」
至於從未與田亮見面的Yumiko說：「唔覺得佢做錯啲乜嘢令到國家隊要開除佢，公司只係安排佢拍廣告，唔會成日要佢上台做宣傳，佢可以一邊練水，一邊做其他嘢，如果有心兩邊都會兼顧到，不過都希望佢唔好放棄跳水，因為始終練咗咁耐，如果有機會都想同佢合作。」