梁朝偉昨日在中環宣傳賀歲片《韓城攻略》，此片將與同檔期上映的《喜馬拉亞星》對撼，但《喜》片的宣傳攻勢比《韓》片多，而且除偉仔外，另外兩位演員舒淇及任賢齊暫未見出席宣傳活動，偉仔說：「我冇壓力，又唔係我可以控制，月底重要去內地做宣傳。」
每當完成電影拍攝工作，偉仔都希望能夠維持正常作息時間，他說：「六點就起身，早睡早起，拍戲時間顛倒最唔鍾意，為搵食冇法。如果瞓到三點先起身，一日時間就冇晒，早起可以做運動，重可以睇吓書睇場戲，呢排我開始學詠春，因為遲啲要拍《葉問傳》。」
此外，偉仔憑《2046》獲提名第十屆金紫荊「最佳男主角」，偉仔說：「我從來冇懷疑過自己能力，唔係臨場表演，我好滿意自己喺《2046》嘅演出。」
採訪、攝影：魯萍