做Facial、歎Spa、Set頭、買護膚品、化妝品，女仔扮靚的花費一點也不能少，撞正要交稅的日子就更麻煩。不過只要找對地方，扮靚都可以好平！頭髮護理加造型，再加埋修甲，只是$300。而且今次受埋男仔玩，即係可以同男朋友手拖手一齊扮靚靚。二人扮靚價都只是$600，分分鐘平過女朋友買一件新衫。
記者：馬靜兒
攝影：蔡鴻雯
Models：Pim&Yankee（StarAsia）
拍拖一小時扮靚靚
平日拍拖的節目大都是行街、食飯、睇戲，著名的HairSalon——Tony&Guy最近推出扮靚三合一的優惠服務，讓情侶們可以拍住拖扮靚靚，齊齊換個新形象，原價每位$800，現時優惠價$300。三項服務分別是頭髮護理、髮型設計和修甲服務，分別由髮型師、髮型助理和美甲師為你扮靚；女仔如果加埋化妝服務另加$100，就有齊四個人服侍你。
三項服務豈非要幾個小時？很多男朋友都沒有耐性，不大願意花太多時間妝扮。但其實整套服務可於一小時內完成，留番多點時間讓你們繼續行街、食飯和睇戲。
Part1 深層清潔護理
全個服務首先會因應你的髮質做頭髮護理。如果你的頭髮屬油性，Tony&Guy就會替你做頭髮深層的清潔護理；如果你的頭髮屬乾性，就會幫你做較為滋潤的護理。
男界：油性護理
1.護理前先洗頭。
女界：乾性護理
護髮產品
a.薄荷深層清潔護理泥$138；
b.朱古力味的滋潤髮油$170
Part2 造型不修剪
做完護理之後，就會立即替你Set頭，換個新造型！至於想平凡一點抑或型格一點，視乎你喜歡。如果你不想太激，大可要求髮型師幫你Set個普通一點的髮型。不過，這個服務只是造型，不設剪髮喎！
男界：超級撒亞人
女界：束小髮髻
Part3 男女修甲
貪靚的女仔對十隻手指的要求很高，所以下一個服務就是修甲。美甲師會先幫你將死皮清除，再塗上你喜愛的單色甲油；如果想塗法式甲，就要加多$50。至於男仔也一樣可修甲，但不塗甲油，除非你提出特別要求。
Part4 簡約化妝
女仔如果想化一個至Hit春妝，只要加多$100，駐場化妝師就會幫你塑造完美妝容。化妝師較着重底妝，上妝前先替客人塗潤膚乳補水，令妝容更貼服。粉底是本港暫未發售的BedHead，該品牌在美國連醫生都建議剛整容後的人士使用，貪其粉質幼細。
女界獨享
Tony&Guy（28901900）
地址：銅鑼灣恩平道28號利園二期125-126舖
費用：$300包括頭髮護理＋髮型設計＋修甲（共一小時），另加$100可享簡單化妝服務。（優惠期至2月28日）
備註：只限銅鑼灣分店