唔少車迷期待踏入2005年後本地車壇會有一番新氣象，筆者預期今年上半年亦會有多款歐、日新車陸續登場。去年底曾有傳言寶馬1系經已秘密抵港，這款新一代城市SportyHatchback車系，是廠方用以替代原有寶馬3系Compact，自面世以來響歐洲市場表現一直叫好亦叫座。但筆者打探得知，本地寶馬代理商未有打算在上半年引入1系到港，除咗唔想影響到MiniCooper銷售外，持續高企的歐元兌換率，亦係阻礙寶馬1系遲遲未能輸港的原因之一。至於其他方面的問題，是代理商正積極布署，另一款舉足輕重的新車系到港事宜，究竟係邊款新車？相信唔少寶馬Fans早已心中數，遲吓筆者有最新消息，再同大家報道啦！
記者、攝影：陳偉林