近年每逢農曆年，Nike都會推出賀年AirForceILo，即將來臨的雞年亦不例外，雖然行貨仍未到，但水貨經已搶先登陸，並已成為眾人的過年換鞋目標。唯一能威脅其地位的，就係夠晒應節的全紅AirMaestroII（又名紅Flight），紅Flight這對當年柏賓明星賽戰鞋，於波鞋界內可謂無人不識，時至今日依然屬於當炒之列，所以當炒是意料中事。今次同場加映更有紅波鞋大特集，應節最啱，換鞋過年者務必留意！
記者：李崗華 攝影：陳盛臣
雞年AirForceILo玩靚皮！
由早兩年的馬年開始，Nike開始推出賀年ForceILo，馬年的ForceILo用上馬字、猴年就改玩卡通Icon，老實說設計應真麻麻，但今年的雞年ForceILo就有誠意得多，用上優質靚皮，鞋身的圖案（鳳、凰二字）更用上Laser，一貫貴鞋的風格。難怪就連潮人林海峰都經已率先買下等過年！
DetailsCheck
05頭號當炒柏賓紅Flight！
相信20歲過外的波鞋迷，都不會忘記這對當年的柏賓戰鞋紅，94年NBA明星賽中柏賓就是腳踏Flight出戰。它原名AirMaestroII，由於鞋身火紅色為主，加上鞋脷上的Flight，所以大部份的波鞋迷都稱此鞋為紅Flight，反而AirMaestroII的原名就較少人叫。紅Flight因是當年的特別版，產量極少，加上當年香港出售特別版波鞋的地方較少，所以時至今日紅Flight依然當炒。事隔11年，紅Flight終於首次推出復刻版，被搶是預料之內。
DetailsCheck
應節必着紅鞋兒
中國人過年，着紅色好意頭，紅色波鞋可算是必備的應節Item。紅色波鞋易搵，但要紅得來亦要潮味十足，以下介紹的波鞋可算是近期大熱，DunkLo、DeltaForce、ForceILo統統有齊，名副其實係紅鞋之選！
售賣點：
a/Reach（27717333）旺角上海街426號萬事昌中心1202室
b/HeadCoach（27710163）旺角瓊華中心2樓209舖
c/Siz（23884441）旺角瓊華中心2樓202舖