倪震和周慧敏曾擔任董事和股東的EasyCommunicationLTD，被指拖欠製作公司印刷費約三十萬。倪震昨日表示當初是以《衛斯理》漫畫的版權交換該公司股權，半年前因他對拍檔失望而退股。
昨日恆達製作公司向本報報料，指被「EasyCommunicationLTD」（友維出版、前名意思文化出版）拖欠三十萬七千多元印刷費，原來倪震曾擔任該公司董事，周慧敏亦是股東之一，但二人現已辭去該公司職務，倪震昨日表示半年前已退股，並謂自己亦是受害人。
恆達負責人表示去年六月接到EasyCommunicationLTD印刷《衛斯理》漫畫的生意，因知道倪震和周慧敏是該公司老闆之一，故特別給予一個月數期，之後更加長至兩個月，後來《衛》停刊，接着便替該公司印了七期《天外玄俠》，至去年十月才知倪震和周慧敏已退股，前後被該公司拖欠三十萬七千多元印刷費。
另一方面，EasyCommunicationLTD的負責人冼生先聲稱會擔起費用，但至現時僅還過兩萬多現金，以及用兩部電腦當作萬多元還款。
倪震昨日在電話中表示他和恆達一樣是受害者，他說：「冼生係我相識多年嘅朋友，當時佢想出漫畫，而且班底唔錯，我擁有《衛斯理》嘅版權，佢提議以股換版權，我同周慧敏係一個unit（單位），佔公司股份一半，後來我發覺佢做嘢好有問題，啲數唔清楚，洗腳唔抹腳，所以我同周慧敏決定退股。」
倪震續說：「我唔記得確實日子，但起碼係半年前嘅事。我同時要求《衛斯理》停刊，嗰本《天外玄俠》唔關我事。我之前冇參與呢間公司嘅財政，冇管過一毫子，我唔覺得因為我係名人，就要負上更多法律或財務上嘅責任，我建議恆達公司循法律途徑去告呢間公司，我同恆達係同一陣線嘅，都係受害人，我私人支持過冼生嘅財務，損失咗金錢、衛斯理嘅版權同埋唔帶眼識人。」
而EasyCommunicationLTD的冼生昨在電話中表示，覺得自己虧欠了倪震，因倪震是不滿意《衛》的質素，故此才停刊。冼生又謂跟恆達一直有傾談還款事宜，他承認有拖欠款項，但認為只屬普通商業活動。
