吳鎮宇情慾照曝光扯火

吳鎮宇、劉青雲、鄭中基及Shine前晚在灣仔ChampsBar為「喜馬拉亞星之印度之夜舞林盛會」任評判，六隊參賽者表演舞蹈，冠軍可得五千元獎金，鄭中基亦有表演印度舞，劉青雲則盛讚參賽者甚有水準。
吳鎮宇在新片《神經俠侶》中有一幕與女新人張萌的情慾接吻鏡頭被雜誌刊登，鎮宇說：「嗰場戲我唔想拍，不過導演（阮世生）同我好朋友，唔想因為一場戲同朋友有拗撬，所以我拍咗，但出嚟效果好核突，我太太見到劇照登咗出嚟，都問點解唔係登靚相。」

「佢哋冇得撈」
鎮宇續說：「佢哋宣傳部發相冇徵求過我意見，山水有相逢，我吳鎮宇一年拍幾十部戲，我唔想再合作，佢哋冇得撈，我諗唔會因為個宣傳唔用演員，只有因為個演員唔用嗰個宣傳。」
採訪：魯萍
攝影：陳偉權

吳鎮宇（右）和劉青雲齊着皮褸出席新片宣傳活動。