應屆華裔小姐評判之一的劉德華昨日首次會見佳麗，上圍豐滿的3號張聖瑩和14號王斯婭搶盡風頭，華仔不避嫌力撐香港代表徐子珊，更說：「身材要比例啱，大未必高分。」
無綫「2005年度華裔小姐競選」本周六晚在將軍澳電視廣播城舉行，大會昨日於朗豪酒店安排二十二位佳麗會見評判及司儀。今年將由劉德華、葉童、譚惠珠、陳有慶及胡經昌擔任評判，司儀則是鄭丹瑞和歐錦棠，倪震任嘉賓司儀，陳奕迅與鍾嘉欣合演歌舞。
一眾佳麗昨日穿上自選服裝亮相，三藩巿佳麗3號張聖瑩和布里斯本14號王斯婭均以低胸裝成功搶風頭，大騷身材，博取評判留下深刻印象，可惜華仔笑說：「身材最緊要比例啱，大未必高分。」
華仔罕有地擔任選美評判，他說：「我好多年前做過一次，但嗰時代表年輕人眼光，𠵱家係成熟眼光，除咗靚之外，重要有親切感，但我見咁多女仔，覺得印度女仔最靚，眉毛好濃密，輪廓好深。」
雖然華仔暫時仍未有心水佳麗，但問到他對香港代表徐子珊會否特別寬鬆時，華仔說：「當然會啦，因為我都支持香港，反而長頭髮就唔會加分喎。」
17號徐子珊得悉華仔表明對她特別寬鬆時，竟然不領情地說：「我唔明喎，但相信佢會對每個女仔都公平，總之多謝佢支持。」
採訪：卓寶花
攝影：陳偉權
