古天樂前晚應藝進同學會邀請，與藍潔瑛及杜琪峰到一個社區中心派米給長者。古仔甚得老人家歡心，不少公公婆婆見到他就笑瞇瞇，古仔後來又上台與藍潔瑛高歌，把一眾長者逗得十分高興。
古天樂、藍潔瑛與杜琪峰前晚在油麻地梁顯利社區中心參與藝進同學會向長者派米的活動，該會昨日準備了千一包米在現場派給長者。
三人除派米外，又上台唱歌，其中以古仔最受現場長者歡迎，不少老婆婆和老伯伯從古仔手中接過一袋米後，都會高興地跟古仔聊天，相對而言，長者們對藍潔瑛印象較為模糊，可能與她近年甚少拍劇有關。
古仔一向關心老人家，他認為大部份長者在年輕時期都曾為社會作出貢獻，所以應該得到社會尊重，古仔說：「我好感慨啲仔女唔照顧父母，所以咁多年嚟我都會選擇同父母一齊住，等自己方便照顧佢哋，其實父母年紀大咗後，可能會比較牢騷，做仔女嘅應該畀多啲愛心老人家，有時間多聽佢哋講嘢。我見到啲無依無靠嘅老人家，我係會好心噏，好想幫吓佢哋，所以有團體搵我做老人探訪或派米活動，我就好樂意去參與。」
藍潔瑛雖然是藝進同學會的會員，但這是她首次參與該會此類活動，她說：「我平時好少做呢類慈善活動，所以今次嚟派米，我覺得幾有意思。呢輪我搵緊劇拍，另外，我又想投資開間賣BB衫嘅舖頭，不過𠵱家重喺度考慮緊，未有最後定案。」
採訪、攝影：張俊銘
