Twins和鄭希怡等八位藝人昨日在新碟發布會中載歌載舞，但因場地太小常撞埋一堆。而阿嬌表示捐了錢給母校，其中一間課室會以其原名「鍾嘉勵」命名。
英皇歌手包括Twins、Boy'Z、鄭希怡（Yumiko）、李逸朗、吳浩康和梁洛施，昨日到屯門出席賀年唱片發布會，吸引大批fans到場。
八位歌手在台上又唱又跳，但由於舞台太細，令他們經常撞在一起，場面搞笑。事後Yumiko笑言由於Steven和吳浩康太肥，令舞台十分擠迫，她說：「我跳跳吓舞時見到吳浩康有肚腩仔，Steven更加要繼續努力減肥，但我知佢今次已經好有恒心。」
眾歌手及後又替fans簽名，剛過了生日的鍾欣桐（阿嬌）收到不少fans的禮物，拍檔蔡卓妍（阿Sa）早前則親自設計了鏈墜送給她，阿嬌說：「我好鍾意呢個鏈墜，老闆（楊受成）亦送咗個手袋畀我，我又捐咗幾萬蚊畀母校，咁就可以有一間課室用我原名『鍾嘉勵』去命名。」
另外，有fans送上蛋糕慶祝Boy'Z出道兩周年，蛋糕還寫上希望二人能一起度過第三周年。對於Boy'Z拆夥在即，Kenny說：「呢排有好多fans話我哋分開之後，唔知跟邊個好，又話覺得我哋好似一對離婚夫婦，唔理啲仔女咁。」
對於有雜誌指趙頌茹（阿Yu）跟周永恆同居，令阿Yu的母親擔心不已。曾與趙頌茹同一間公司的李逸朗表示聯絡不上對方，但他覺得阿Yu思路清晰，故不擔心她。
採訪：李珮洳 攝影：陳偉權
