香港電台新聞總監一職，自從舊年黃德貽大姐退休後一直懸空，目前由特級節目主任馮玉蓮署理，蓮姑喺行內十分資深，把關當然全冇問題。
八方側聞，有人想調港台大公關，即係機構傳訊總監施永遠去新聞部做阿頭，不過，施永遠就以自己出身自電視部，何德何能，加以婉拒。
港台喺2002年曾經進行過一次高層調動，大玩音樂椅，當時嘅普通話台節目總監張圭陽獲升做中文新聞及時事總監，不過，喺舊年台灣選舉之後，張圭陽就被調走，𠵱家負責特別事務。
八方問知情人士究竟發生乜嘢事？佢哋都支吾以對，一說話佢同新聞部嘅同事夾唔嚟，呢個一啲都唔出奇，佢上台後，就將記協前主席麥燕庭調去做國際新聞，引起好大反響。至於張圭陽去台灣發生咗乜事，八方就不大清楚，但聽講港台高層邵盧善為此事十分勞氣。
傳真︰2623-9278
電郵︰