加拿大總理馬丁同太太Shelia以及一眾官員，噚日扶住幾位由加拿大飛嚟香港嘅退伍老軍人，專程去到位於歌連臣角嘅西灣軍人墳場，向二次大戰為保衞香港而戰死沙場嘅五百多位加拿大軍人致敬。
儀式簡單而隆重，佢哋喺陣亡軍人墳前默哀、獻花以及致辭。馬丁後嚟喺結束兩日香港行程嘅時候，多次提到佢哋非常重視華人對加國嘅貢獻，又話加國係個多元化社會，大家相處好融洽。
至於香港爭民主，佢就話唔係一日半日嘅事，只要目標仍在就可繼續爭取，佢又回應立法會雖然不准向趙紫陽默哀，但係周五見到好多港人去哀悼，言下之意，香港冇乜問題呀。當然啦，佢喺酒會大讚李嘉誠，梗係覺得香港冇問題。
傳真︰2623-9278
電郵︰