民陣、民主黨同前綫等多個民間組織噚日喺中環遮打花園舉行集會，反對官商勾結，八方見到卿姐、陶君行同成班前綫成員整裝待發，於是問卿姐，對於立法會主席范太叫議員向佢投不信任票好過自行默哀點睇？卿姐話呢個好難，佢哋冇理由動不動就向主席投不信任票㗎。
八方又問陶君行，公屋居民盧少蘭申請法援向終審法院告領匯有乜進展。陶君行話，佢哋正就法援唔批准佢哋嘅申請進行上訴，至於孫明揚話肯畀埋錢佢哋打官司嘅美意，佢估盧少蘭一定唔會接受，即係拒絕官民勾結。
鄭大班就形容𠵱家個波喺法援度，只要佢哋一批，盧婆婆就會告上終院，唔使再拖，佢覺得法援係基於政治原因唔批嘅。陶君行同大班都咁講，孫公可以唔使再諗啦，一於打輸數短期內唔會有最後決定啦。
（圖）卿姐（左三）噚日出席遮打花園嘅遊行集會。
傳真︰2623-9278
電郵︰