重有兩個禮拜多啲，就係中國人一向好重視嘅農曆新年，呢排大家就算點忙，都已經紛紛着手執屋、辦年貨，買新衫，準備送猴迎雞。
不過，社會上卻有唔少窮困家庭，平日過住捉襟見肘嘅生活，年關將至對佢哋嚟講，往往只徒添經濟壓力。
有見及此，大使呢排正陸續探訪啲獨居弱老同貧苦家庭，向佢哋送贈一包包裝滿糖果、瓜子、年糕、蘿蔔糕等應節食品嘅禮物包，令佢哋感受關懷。
蘋果日報慈善基金喺○三年一月成立「賀歲禮物包專戶」，滙聚讀者捐款與支持，送贈賀歲禮物包予無依長者及有需要家庭。善長慷慨捐款，可令更多家庭受惠，歡度新歲。
大使喺度呼籲有需要嘅家庭同長者，致電本報暖流版申請索取禮物包，另歡迎各前線社工轉介申請個案，我哋一班大使一定「多啲嚟，密啲手」，將充滿愛心同暖意嘅賀歲禮物包送給有需要家庭。查詢詳情請電：29908688。
「賀歲禮物包專戶」捐款編號：C0445
暖流熱線
電話：29908688
傳真：23702192
電郵：
網址：