長毛上個星期好勇，喺中共前總書記趙紫陽一病逝，就要求范太畀佢喺立法會進行默哀，最後班保皇黨重搞出個流會大頭佛，引蛇出洞，搞到保皇黨枉作小人。
八方以為長毛一定好敬重趙紫陽，點知噚日喺反官商勾結遊行時當面問佢，佢話其實唔係，只係覺得香港太現實，唔抵得咁多人以前受好處，今日側側膊扮陌生，所以挺身而出，為佢默哀。
咁又一啲都唔出奇，長毛最推崇嘅人物，梗係哲古華拉，佢當年親自去南美取經，重粉墨登場扮佢；重有，佢日日着住印有佢偶像嘅Tee，都知心中有誰。
（圖）長毛同八方講，年宵有得賣嘅就係佢身上着住個件tee，四十蚊一件，都唔算貴。
傳真︰2623-9278
電郵︰