手拖手行騷一見鍾情
吳嘉龍追林熙蕾心急爆粗

楊采妮、林熙蕾及吳嘉龍等前晚在灣仔會展演出髮型騷，吳嘉龍與林熙蕾在台上即興手拖手，事後吳嘉龍大讚林熙蕾靚女隨和，亦有意索取電話號碼聯絡，但獲悉女方今日便飛返台灣，他竟衝口而出說：「咁仆×？」

古天樂前晚往灣仔會展為O4Hairstyling的髮型騷擔任導演，楊采妮、林熙蕾、吳嘉龍、AnaR.、江欣慈及戴夢夢則義務擔任模特兒。前晚演出時，吳嘉龍與林熙蕾手拖手，AnaR.及江欣慈更作狀互咀。

事先張揚接受追求
眾人在後台接受訪問時，林熙蕾表示與吳嘉龍是即興拖手，問她對吳嘉龍有沒有好感？她第一時間說：「佢係唔係得十八歲？佢幾好，鬼鬼哋幾靚仔，如果我喺讀書時代實鍾意呢種男仔。」記者假設地問如果吳嘉龍向她展開追求，她會否接受？林熙蕾說：「OK吖，WhyNot？我𠵱家都冇男友。」

讚靚女兼性格隨和
吳嘉龍亦表示十分欣賞林熙蕾，他說：「佢好靚女，性格又隨和，不過我應該冇機會，佢太靚女，我又怕醜。」問他會否向林熙蕾索取手機號碼日後聯絡？他說：「慢慢先，畀少少時間我啦。」記者告訴他林熙蕾今日便會飛返台灣，吳嘉龍竟衝口而出說：「咁仆×。」
此外，楊采妮則比喻自己前晚的髮型是「金絲糖公主」，她又透露即將往斯里蘭卡探望災民，她說：「我呢次嘅身份係好似社工咁，嗰啲冇咗父母嘅小朋友淨係畀物資佢哋係唔夠嘅，重要同佢哋溝通同玩，了解佢哋嘅內心感受，我今次最希望自己唔好再咁眼淺，唔好再喊。」
採訪：RitaLeung