古天樂昨日到中環為化妝品活動擔任嘉賓，雖然古仔不用親身示範化妝，但卻慘變迎賓，猶如《金枝慾孽》中的公公一樣，輪流攙扶五位模特兒出場，並需逐個品評模特兒的化妝，令他十分尷尬。
古仔事後坦言今次酬勞十分滿意，而且更有機會成為首位擔任化妝品代言人的男藝人，他說：「𠵱家重傾緊，佢哋嚟緊會出條line畀男仔，我都用呢隻牌子嘅粉底，其他粉底有時化到我似發霉朱古力。」
問古仔品評模特兒時為何用「小家碧玉」及「矜貴」等形容詞時，他指因要從男性角度去表達。問到其擇偶條件是否要「小家碧玉」時，古仔說：「唔好太過高，小家碧玉，同唔出聲，其實有冇嘢講唔緊要，最緊要大家溝通到，我屋企都成日俾人話似圖書館咁靜。」
採訪、攝影：駱華齡