利嘉兒日前被本報拍得與一名男性友人於中環蘇豪區飯敍的照片，之後二人結伴逛街，而這位男士更管接管送，昨日其男友周國豐在電台做完節目後便接受了《QQCo.》訪問，為利嘉兒解畫指這位男性友人是她的閨中密友，周國豐說：「嗰晚我梗係知啦！我女友有個好處，就係所有嘢都會報告，嗰個係我哋嘅好朋友，我哋有啲擔心，就係呢個friend已經有個女友，佢哋重諗住結婚。」
對於今次事件，周國豐笑指女友「抵死」，他說：「今朝佢講畀我聽，我同佢講『抵你死啦！』明知嗰度最多記者去食飯。其實嗰晚我做完節目後都諗住去嘅，但係因為太攰所以冇去。呢個男仔係佢嘅閨中密友，佢哋感情上嘅煩惱都會傾。」
而利嘉兒昨日就透過經理人公司回應，表示自己與男友周國豐認識該男子已有一段很長時間，大家純粹是好朋友。