睇見《愛尋迷》個封面，本以為又係一套荷李活式嘅愛情片，之但係導演（保羅麥高根）今次就搞搞新意思，實行成套片玩大兜亂，又加咗啲特別拍攝手法，各位觀眾睇嗰陣記得打醒12分精神，如果唔係一個唔小心睇漏眼，都唔知佢講乜！卡士方面，今次搵嚟拍過《珍珠港》嘅第二男主角佐斯夏納，其演技發揮得淋漓盡致，唔怪得追隨賓仔嘅Fans都過檔捧佢。另外值得一提嘅就係，《木馬屠城》嘅大美人戴安古嘉，相信不少男士睇完套戲，都想擁有一個咁靚嘅女友，真係不枉此生囉！
故事改編自96年法國電影《非常公寓》。馬修（佐斯夏納）一見鍾情的愛人莉莎（戴安古嘉），忽然人間蒸發，馬修為追尋愛人下落，毅然放棄一切。此時，神秘美豔女子雅麗絲（露絲拜恩）突然出現，令馬修墮入極度迷亂的布局裏，而他亦漸漸發覺，當中隱藏着一個秘密。馬修、雅麗絲、路加（馬修列納）三個人愛得曲折離奇，究竟真愛係咩？不擇手段的愛，又是否算係真愛？另外，大家睇戲時，不妨留意此片加插咗Coldplay嘅音樂，配合埋畫面，效果簡直Excellent。由此可見，音樂對電影的重要性的確不容置疑。
文：朱就
DVD售價$98
VCD售價$48
發行：泛亞影業
查詢電話：23528222