搓圓㩒扁溝出彩色五代同堂

星期天帶小蘋果去上課，課程是十分有趣的輕黏土手工藝。Miko&ChiliWorkshop的Elaine媽咪叫大家想一想做甚麼？小蘋果敲敲小腦袋，想了又想，終於決定為迎接新年，製作一盆漂亮的五代同堂！五代同堂不但有橙色，還有黃色和綠色，漂亮極了！

記者：小辣椒　攝影：雲妮

點樣整？

要搓出完美的五代同堂，就要在搓好梨形後，用筷子在底部輕壓出五個坑位，用來擺放五個「兒孫」。

■Elaine話輕黏土的黏性未必夠力，把花枝插入五代同堂的底部時，先蘸一點白膠漿會更好。

■苡珊做出來的五代同堂個個擁有特異功能，天生異相，比Elaine媽咪的示範作品更有「創意」！

又輕又軟的黏土

提起黏土，小蘋果又會皺皺眉：黏土製作不好時，乾後會有裂紋；上色時又怕弄髒小手和衣服；完成後的作品又很笨重，不小心摔破了會很可惜。原來這些問題，Elaine媽咪都一一想過了，今次介紹大家用一種叫「輕黏土」的黏土，軟硬適中，又可以溝色，不怕跣手打破呢！不過裂紋的問題，就要靠大家用溫暖的手用心搓，讓它保持可愛的童顏。

■每事問的Jeff表情多多，一埋位就露出疑惑的眼神，對於搓圓形顯得力不從心。

■Elaine介紹今次製作五代同堂所用的輕黏土，連小朋友都可以輕易掌握，最重要是重量真的很輕。

■Elaine媽咪悉心教導Kelvin，以免佢用錯力壓爛好花。

教室運劍私鬥

今次上課的目的是合五位小蘋果之力，炮製一盆輕黏土五代同堂，不過人多自然有紛爭，苡珊和Jeff二人進行私鬥，由「花劍」進展至鬥數花果，兩人在這個回合都輸了，齊齊失威。

■從呢幅相片得知，苡珊和Jeff耍完「花劍」後，帶頭數五代同堂的數目，誓要贏對方。

■心急係無用的，不過過度細心亦會出錯，Sindy把28個五代同堂數多兩個，點解會咁呢？

■苡珊有點面善，大家覺得她像不像鄭佩佩？識功夫的她連髮型都好有俠女風範。

■這裏連廁所都很漂亮，如果加埋兩盆五代同堂會更靚、更有生氣。

武林大會耍功夫

要把兩種不同顏色的軟綿綿的黏土混合成新色時，Elaine媽咪話搓得均勻或者留番少少白色雲石紋都可以有不同效果。眼見小蘋果人人姿勢各異，像表演武功一樣落力，表情很有趣呢！

■苡珊年僅4歲，溝色時看得十分入神，希望她唔係諗住當棉花糖食落肚。

■Kelvin搓溝色黏土力度夠，色調均勻，奇就奇在眼神同姿勢好似賭神咁凌厲。

■男仔鍾意耍功夫，你睇Jeff搓到嚿黏土好似耍太極，顏色黃中有白，白中有黃。

手工藝趣味創作坊

同場加映Elaine媽咪的表演，佢將五片像雲吞皮的輕黏土，捲成一朵玫瑰花！看似容易，其實要試很多次才會做得一樣漂亮。多才多藝的Elaine媽咪還懂得製作穿珠飾物、玻璃畫、布公仔和布家品等，只要大家有興趣，即使一人也可預約上課時間，所有課程由每堂$60至$400不等。查詢：www.mikochili.com或致電24744892。

■原來輕黏土除咗可以做五代同堂，重可以變出個個女仔都鍾意的玫瑰花，加埋顏色重靚㗎！