昨日《忽然１周》報道組合2R兩姊妹齊帶男友返家過夜，指妹妹Race的男友為上市公司主席陳靖諧，他曾與新加坡女星范文芳拍拖，又跟豔星陳昭昭傳過緋聞；至於胞姊Rosanne的男友則為港大牙醫學生Derek。
不過，Race昨日在電話中卻否認緋聞，她說：「我哋之前都知道有狗仔隊跟，但唔會因為咁樣怕咗同朋友出街，姓陳嗰個識咗好多年，喺新加坡時已經識啦！個牙醫係澳洲讀書時嘅同學，大家都識嘅，我哋住嘅地方係酒店式大廈，陳生喺嗰度住㗎，嗰晚我哋一齊食飯，食完飯就返屋企，牙醫都有一齊，但佢兩個唔係上我哋屋企。」
問Race會否覺得兩男有追求之意？她說：「唔會啩？我哋識咗太多年，應該冇發展機會，我哋對緋聞都慣，佢哋係圈外人就慘啲。」
採訪：朱倬誼