銘記於心
黃先生（居於深圳推銷員）：「國內封鎖有關趙紫陽嘅消息，要我帶報紙返去畀老婆仔女睇先知道，帶埋仔女嚟希望佢哋可以將呢件事銘記於心。」
值得尊敬
Mary（中六學生）：「中史老師同我哋講過六四事件，叫我哋要認識歷史。我自己覺得趙紫陽係個好值得尊敬嘅人，所以放學後決定參加維園悼念燭光晚會。」
表達敬意
萬先生（行政人員）：「范太唔畀市民悼念趙紫陽嘅理由好荒謬，更加激發我哋要出嚟支持支聯會嘅悼念儀式，以表達我哋對佢一些敬意。」
堅持信念
文小姐（大學生）：「趙紫陽好有政治良知，好值得尊敬，佢堅持信念但含恨而終，𠵱家國家好少有咁好嘅領導人，希望可以還佢一個公道。」
為國為民
葉小姐（民主活動常客）：「趙紫陽為國為黨為人民，換嚟軟禁十五年。立法會默哀一分鐘，范徐麗泰同某的議員都反對，真係冇良心，唔係人。」
情操偉大
孔先生（貿易職員）：「以前對趙紫陽冇認識，直至最近報紙報道先知，佢當時明知去廣場慰問學生會失勢，但係都挑戰當權者，佢嘅情操真係好偉大。」
感覺可悲
張先生（代課教師）：「𠵱家立法會好受大陸政治文化影響，喺香港講一句說話，要向趙紫陽默哀都唔得，真係好可悲。」
不畏強權
龍先生（與母親同來）：「趙紫陽好似太陽，照到邊度就邊度光。自己同媽媽都好敬佩趙紫陽不畏強權，所以要出席悼念活動。」
