黎姿澳門搏殺兩粒鐘執30蚊

黎姿昨日到澳門為一間角子機娛樂場擔任開幕嘉賓，她與賭王何鴻燊及中聯辦官員等一同剪綵，場面墟冚。黎姿雖身穿低V粉紅色連身裙到場，但其美好身段卻被毛毛外套遮蓋。她與賭王並排而坐，但兩人似乎不太熟稔。

自認魚腩
黎姿在娛樂場內逗留兩小時，玩了電動輪盤及賽馬機，還僥倖贏了三十港元。事後她說：「今次係搭直升機過嚟澳門，亦係第一次喺澳門嘅娛樂場所玩。我一向冇賭運，所以只係當玩吓輕鬆吓，小賭可以怡情，但唔好玩物喪志，平時過年都會同朋友打吓麻雀，因為我成日輸錢，所以啲朋友爭住同我呢個魚腩玩。」
此外，昨日現場雖有保安人員維持秩序，但有一名男fans仍能突破保安重圍，成功與黎姿合照，但他拍照後良久亦不肯離開，嚇得黎姿不知所措，最後該名fans被保安帶走。