四年前,當年三十四歲的阿威從事飲食業生意,可說不愁生活,奈何其後生意失敗,欠下巨債。阿威數年來掙扎求存,最終仍落得露宿街頭、身無分文,蘋果日報慈善基金即時發放緊急援助金予他解決目前困難。
「我唔想申請綜援,我識得煮餸,想搵番份廚房工,不過暫時都未搵到,我𠵱家連搭車見工嘅錢都冇。」三十八歲的阿威坐在公園對記者說。
阿威年前離婚,兩名現年七歲及十一歲兒子分別交由前妻及其姊照顧。四年前,阿威透過借貸數十萬元開設食肆,後因生意不景結業,令他瞬間一無所有。其後,阿威在朋友協助下,前往廣州工作,可是早前又不幸失業,他遂於本月中返港搵工,惟至今未有消息,身上僅餘的錢也花光,最終被迫在公園露宿,一日三餐只吃社工派贈的杯麵及乾糧。
「𠵱家我全副家當淨係得身上呢套衫、背囊入面嗰張被,同埋十幾蚊。呢幾日我都喺公園露宿,沖涼就要去附近球場更衣室。」阿威苦惱地說。
蘋果日報慈善基金有見阿威的處境,即時撥款二千元給他作生活費及搵工交通費。
捐款編號:C1613
暖流熱線
電話:29908688
傳真:23702192
電郵:
網址: