45條關注組嘅梁家傑最近出版咗份《首百日工作報告暨政策前瞻》，講述佢對扶助弱勢社群同改善香港土地政策嘅見解，睇到佢從政確係有一套理想，雖然達到與否則係未知之數。
成份工作報告令八方印象最深嘅係梁家傑引用《尚書．五子之歌》嗰句，「民惟邦本，本固邦寧」，雖則呢兩句話唔算好深，但梁大狀都好體貼咁添上白話文註解，兩句話大意係人民係國家根基，根基穩固，國家才能安寧，簡而言之即係施政要以民為本，呢個流傳咗無數個世代嘅思想，真係講就容易，做就好難。而份單張就有一幅以「曾教授的『新眼光』」為名嘅漫畫，唔使講都知講邊個啦。
傳真︰2623-9278
電郵︰