在泳界出身、去年初完成大學課程的方力申，入行以來可說是發展順利，除有機會唱歌外，經理人公司更為他接拍劇集，而在新的一年，方力申更會接拍兩部電影。能夠不斷有新嘗試，除多謝公司同事費盡心思為他找機會外，還學調酒慰勞同事。
去年初方力申完成了的大學課程後，已告別「三棲藝人」行列，不用上學之餘亦不用參加香港泳隊比賽。不過在新的一年，方力申又再度回歸做三棲藝人，拍過劇、出過唱片的他，決再向電影方面發展。據知其經理人公司為加大他的工作範疇，已計劃今年開戲，由他擔正做主角。有如此良機作新嘗試，方力申表示十分開心，更謂要多謝公司同事為他在工作上勞心勞力，所以決定學調雞尾酒，與公司同事舉杯慶祝。
據了解，方力申的經理人黃柏高去年已計劃開戲，由他擔正做主角，望可一年內拍兩部片，方力申對此說：「聽到呢個消息好開心，𠵱家電影市道唔係咁好，公司同我講過會拍戲，我都好開心，但係就有啲壓力。𠵱家未知角色，因為劇本未定好。我最想做忠嘅角色，尤其係做到紀律部隊，但唔一定要型。」
除唱歌之外，方力申還要兼顧拍戲，問可會太辛苦？他堅定地說：「唔怕，我估我兼顧到嘅，我會好努力咁做，之前會搵人教我做戲，亦會留意多啲其他前輩嘅做法。呢個又係另一個新開始，希望觀眾可以認同我就最好喇，我知道我經驗唔多，真係需要時間去磨練吓，我諗我會請教師兄鄭中基同師姐楊千嬅，問吓佢哋點樣演戲囉﹗」
而方力申最希望可與偶像張學友合作，他說：「我真係好想同學友合作，我好鍾意佢做嘅戲，佢係我心目中嘅影帝。早排睇過佢演出嘅《江湖》，好有型，有啲位又好幽默，真係覺得佢搞笑又得，嚴肅又得。」
