香港人對日本真係又愛又恨，早前先有保釣行動成員抗議日本聲稱駐軍釣魚台，噚日民政事務局就同日本總領事館宣布會搞「日港交流年2005」。雙方會喺文化、教育、觀光、經濟四方面合作，除咗介紹日本傳統藝術同武術之外，重會喺八月搞松任谷由實嘅演唱會，重有香港日本電影節、今藤長十郎及西崎崇子紀念音樂會同埋日本夏日祭典。
日本駐港總領事北村隆則話，夏日祭典係日本傳統活動，全國上下都會慶祝，到時主辦單位會喺維園設立高台同攤位，等港人都感受吓日本嘅節日氣氛。除咗文化活動，大會重會搞日港經濟合作研討會。歌手陳慧琳就會繼續做日語推廣大使，而古巨基都會加入埋，啱晒啲鍾意日本文化嘅年輕人。
（圖）北村隆則（左）同周梁淑怡（左二）一齊為日港交流年主持開幕禮。
傳真︰2623-9278
電郵︰