任賢齊小時候志願是當消防員，日前他在無綫《星想事成》節目中，有機會經歷救火及火海逃生的訓練，買重保險的他更進入溫度近三百度的貨櫃內，近距離感受火海的熱力及應用救火喉的技巧。
任賢齊日前到元朗八鄉消防員訓練學校，錄影無綫有份投資的銀河衛視TVB8頻道節目《星想事成》，節目下周二（二十五日）晚上八時播映。
《星》節目每集邀請不同嘉賓實現他們兒時夢想，由於小齊由細到大的願望就是當消防員，所以TVB8安排小齊一償心願。當日小齊穿上消防員制服，充當一日消防學員，訓練過程絕不馬虎，為安全起見，小齊更購買了一百萬美元（約七百八十萬港元）保險。
訓練一開始，小齊靠一條繩索及扣子在離地五米高處滑落地面，在導師指導下順利完成。不過為了挑戰自己，小齊向高難度挑戰，在離地十五米高處滑下，雖然他沒有畏高，但亦不禁說：「喺上面睇好高，拍戲吊威吔都未試過咁高，不過因為全程要靠自己，所以幾過癮。」
其後小齊進入溫度近三百度的貨櫃內，近距離感受火海的熱力及應用救火喉的技巧，他全程需要伏在地上前進，以免被灼傷，小齊說：「要做足保護措施，如果有少少肌膚外露就即刻會起水泡，好易變咗清蒸石斑魚。」
小齊經過一日訓練後，連導師都大讚他有潛質當消防員，所以小齊坦言若果有機會，他想繼續接受消防員訓練，他說：「我可以做業餘消防員，以前喺台灣曾經試過遇上火燭，當時都有即刻報警，由於自己冇受過訓練，所以唔想阻住消防員做嘢，費事愈幫愈忙，但有唔少人就抱住睇熱鬧嘅心態，咁係好唔應該。」
採訪、攝影：駱華齡
