醫管局財赤問題搞到啲衞生官員好頭痛，噚日周一嶽局長同八方等傳媒朋友傾開，加唔加醫院住院費嘅問題，原來當年每日住院費六十八蚊，係只計算病人每日喺醫院食早、午、晚三餐嘅成本，冇計過其他醫療成本。
六十八蚊食三餐抵唔抵好難講，但包醫包食就梗係好抵啦，不過𠵱家醫管局銀根奇缺，周一嶽同醫管局何兆煒佢哋都諗緊住院費加多幾多至得，但肯定唔只三餐成本咁少啦！
另外，何兆煒對於手下馮康嘅新辦公室俾人投訴「豪裝」，佢話馮康平日好慳家，以前辦公室入面個書架，爛咗都係用啲書頂住，都應該唔會豪裝啩。
傳真︰2623-9278
電郵︰