潮流興講環保，連銀行都一樣，恒生銀行剛獲得國際環保認證，成為本地首家獲頒發ISO14001環境管理體系證書嘅金融機構，真係好似和黃大班霍建寧話齋：係最好嘅citizen（企業公民）。恒生公關大員講，銀行推行環保概念，唔單止剩係慳電慳水咁簡單，亦關注內部整體嘅環保信息推廣、鼓勵物資循環再用等。
講開銀行，美國運通銀行最近喺香港推出用簽卡積分換取太空之旅嘅計劃，除咗可以喺太空冒險訓練中心過4天嘅太空飛行訓練，重可以坐太空船飛行至地球100公里外嘅太空，俯瞰地球同無重飛行。
當然，咁好玩，梗唔平啦，要六千萬分加五十二萬四千港元，或者五百萬分加七十七萬港元，先可以參加一次。八方聽講，其實美國舊年都啱啱推出咗呢個計劃，不過未有人換購。唔知香港會唔會快過美國，有第一個平民太空人呢？
傳真︰2623-9278
電郵︰