美股隔晚唔生性，港股跟埋，又跌過，恒指最低13500，啱啱守住個大關位，埋單收13543。短期內估計都係反覆格局，波幅三兩百點。遇跌市，喺低位買C輪。若上升，則咪高價追C輪，少少積極，造淡嗰便，揸少少P輪。
恒指C輪3505：恒指昨日跌1%，C輪3505跌16%，有槓桿效應，跌幅放大16倍。恒指若再跌，譬如落到接近上周三低位13352，博反彈，可以博3505。
3505喺5月尾夠鐘，輪價10.2仙，溢價3.7%，槓桿率30.9倍（有效14.3倍），引伸波幅16.4%。3505槓桿率勁，對恒指變化好敏感，想刺激力冇咁大，則揀3700。3700遠期啲，6月尾夠鐘，輪價17.6仙，溢價3.3%，槓桿率17.1倍（有效9.8倍），引伸波幅19.6%。
恒指P輪4541：恒指P輪4556昨日升9.5%，同類輪4541升13.6%，兩隻輪條件相若，4541稍勝少少，所以昨日升幅亦稍大少少。
兩手準備，若大市彈番，例如升150點，反手造淡，喺P輪跌落去之時，博少少恒指P輪。4541喺3月底夠鐘，輪價9.2仙，溢價2.4%，槓桿率23.2倍（有效14.1倍），引伸波幅16.8%。4556喺4月初夠期，輪價亦係9.2仙，溢價2.7%，槓桿率22倍（有效13.4倍），引伸波幅17.6%。
太AC輪3528：太A（019）跌1元，收59.75元。若再繼續低沉，博C輪3528，11月尾到期，輪價36仙，溢價11.3%，槓桿率16.6倍（有效7.1倍），引伸波幅23.9%。
章盛