由於家中的洗衣機壞了，阿萍又乏錢更換新機，她被迫返回原始年代，用雙手洗濯衣服。「屋企原本部洗衣機都係人哋畀嘅，不過半年前壞咗，𠵱家要用手洗衫，加上我隻右手早排又唔小心扭親，所以覺得特別辛苦。」阿萍苦着臉說。
五十七歲的阿萍，早年與丈夫離異，她獨力照顧一名十八歲在學女兒。阿萍本身為精神病患者，加上患耳水不平衡及風濕痛症，令她無法工作，兩母女現靠綜援金過活，日子艱苦。阿萍嘆道：「屋企開支好大，我好多時要去執紙皮、汽水罐幫補生活，就係咁，早排唔小心扭親右手，𠵱家重敷緊藥。」
由於家庭環境欠佳，阿萍家裏大部份電器皆由街坊轉贈，惟當中許多已告失靈，除了那部洗衣機外，還有廚房一具熏得漆黑的煤氣煮食爐。阿萍表示︰「呢個煮食爐成日開唔着，開着時又發出『轟轟』聲響，我好驚，擔心隨時會爆炸。」
百病纏身的阿萍，盼善長能捐贈她一部洗衣機及煮食爐，改善生活。「坦白講，如果要我自己儲錢買，都唔知要儲到幾時，希望有好心人幫到我。」阿萍衷心呼籲。其苦況，有待善長伸出援手。
捐款編號：C1612
暖流熱線
電話：29908688
傳真：23702192
電郵：
網址：