今時今日，燈除可作為照明的用途外，其靚靚的外觀以及獨特的設計，亦可作為粉飾家居之用。大家不妨趁農曆新年將近，將屋企用舊了的燈飾來個大革新，只需轉轉Style，肯定可以為你的客廳增添新鮮感。
記者：梁彩燕
攝影：副刊攝影組
Model：Crystal（CoolFactory）
立體吊燈 客廳搶晒鏡
吊燈通常置於客廳的中央位置，搶眼異常，幾乎人人入屋都見到。款式方面，近年多流行立體形狀，如十字架同立體公仔，用料亦好廣泛，有絲、纖維、布甚至水晶，有啲更可以自己調校長短及自砌形狀！
3D十字造型最Raw
尺寸：直徑30cm
以真絲做主要質料的立體十字形吊燈，外形用金屬鐵架塑造，既可做吊燈，亦可變成座枱燈。造型有點似扭計骰，有種好Raw的感覺。
原價：$490
特價：$441（b）
自己調校高度
尺寸：直徑18×高80cm
呢盞Flat吊燈，以玻璃燈罩加埋鋼鐵製成，用鐵鏈做掛具，款式設計有點似油燈。最方便係可以自行調校長短及高度，夠晒靈活。
售價：$259（a）
任你撥簾決定光暗
尺寸：直徑33cm
吊燈選用Polypropylene物料製成，耐熱度夠高，外形做到好似一塊塊樹葉，用家可按個人喜好或光暗，將活動式的簾調校到合適弧度，甚至完全打開。
售價：$1,299（d）
全人手編織
尺寸：直徑30cm
以纖維做質料，燈罩全個均以人手編織而成，感覺有點似大紅燈籠高高掛，另備有綠色及橙色，更有不同的形狀選擇。
原價：$150
特價：$135（b）
至華麗
Swarovski水晶夠Grand
尺寸：直徑36×高60cm
意大利EmmePilight吊燈，黑色塗層玻璃燈罩，反射出獨特光線。Swarovski水晶在射燈下，顯得份外閃爍，令成個客廳即刻變得富麗堂皇。
售價：$10,800(c）
考創意
自砌形狀夠特別
尺寸：直徑57×高45cm
OCC吊燈，以一個個水晶玻璃製成的小鈎，掛喺金屬框架上組合而成，𠵱家睇到的倒三角形款式，其實可以自行發揮創作力，將佢重新砌出不同的形狀，例如圓柱體或中空款式等，十分搞鬼。
售價：$4,699（c）
座枱燈 質料多元化
一盞靚靚座枱燈，不但可以照明，同時亦為單調的家居添一點氣氛。不論你是鍾情搞鬼設計、抑或是高貴之選，以水晶玻璃、竹枝、甚至沙石或羽毛製造的座枱燈，都可以滿足你的要求。
前衞蘑菇Look
尺寸：直徑50×高34cm
呢個用PP膠製造的座枱燈，形狀似個蘑菇頭，最啱鍾意前衞擺設的用家。裏面安裝了4盞燈泡，燈泡均向不同方向照射，所以光線比較平均，營造和諧的室內氣氛。
售價：$2,200（d）
羽毛燈女生最Buy
尺寸：直徑12.5×高22.5cm
燈光從羽毛間透出，細細盞放喺廳都幾浪漫，又有多重顏色選擇，如黃色、紅色、綠色、粉紅色、紫色同粉藍色等，雖然姣咗少少，但都幾有型格。
原價：$220
特價：$198（b）
保齡球Shape贏晒
尺寸：闊12×高39cm
保齡球樽形的座枱燈，全個用膠造，照出來的光線亦頗柔和。外形設計夠特別，不論放喺梳化旁、電視機旁都咁搶眼。
售價：$380（e）
折射光線格外閃
尺寸：闊22.5×高30cm
燈罩以水晶玻璃製造，表面又形成不同的凹凸面，折射出來的光線零舍閃亮。以兩條電鍍鋼燈柄，扭成獨特的曲線，另有一條微微向上彎的鋼線，可用來掛手飾或鎖匙。
原價：$468
特價：$421.2（b）
竹製品富古典味
尺寸：闊25×高50cm
若你鍾愛中式擺設，呢款人手製造，極具古典美的座枱燈就啱晒你。6條支柱都用天然竹枝作支撐，其中3邊燈罩更以樹枝作點綴，加上防火紙充當屏障，光度好均勻。
原價：$540
特價：$486（b）
手砌玻璃燈光度足
尺寸：闊22.5×高17.5cm
長方柱體玻璃枱燈，以人手將一塊塊形狀同體積相若的小玻璃砌成，再扭成彎曲柱體，外形特別，另備有圓柱形、金字塔同五角形等以供選擇。
原價：$550
特價：$495（b）
玫瑰膠珠燈罩
尺寸：直徑14.5×高34cm
HOBBIE座枱燈，雖然只係傳統燈款，但燈罩鋪滿粒粒紅色玫瑰膠珠，畀人一種好嬌豔的感覺，最啱用嚟襯部屋，另有透明玫瑰款選擇。
售價：$195（f）
搞鬼發光冰粒
尺寸：闊15.5×高15cm
IVIKEN座枱燈，成個燈罩用厚身玻璃製造，燈座底盤則為塑膠料，所以拎上手比較重身。屋企放住一粒會發光又唔會溶的冰塊，都算幾盞鬼。
售價：$179（a）
最得意
沙石製蜜蜂巢
尺寸：直徑30cm
呢個座枱燈似唔似蜜蜂巢呢？佢以實心沙石製成，燈光會從小窿透出，外形設計夠晒盞鬼，成盞燈有成15磅咁重，非常重手！
原價：$580
特價：$522（b）
座地燈營造家居氣氛
座地燈除了為屋企提供足夠又廣泛的光源，方便你睇電視或睇書之餘，同時又可營造出唔同的效果。座地燈的光線多變，有啲可以反射到天花板或牆上、有些則向4邊照射，款式則有日式、中國庭園式或西式設計。
Sake樽夠獨特
尺寸：闊33×高120cm
Storm座地燈，主要以科學塑膠做出外形，再用銅做框架穩定燈籠身軀，外層則是紙質，光線柔和。加上獨特Sake酒樽外形，添置一個最能顯出品味。
售價：$299（a）
縮細版屏風
尺寸：闊40×高110cm
以人手用藤條紮成的座地燈，有點像縮細版的中式屏風，裏面以麻布代替蠟紙或防火紙做遮光及透光，射出來的光線有微微昏暗的感覺。
原價：$680
特價：$590（b）
實用推介
可調高矮兼獨立開關
尺寸：底座直徑25×高188cm
JELKEN座地反光燈，同時可作閱讀燈用，兩邊燈可以獨立開關，又可以獨立調校高度。底部有轉盤俾你旋轉唔同方向，靈活方便。
售價：$479（a）
款式懷舊
尺寸：直徑48×高156cm
全個用金屬製成的座地燈，噴上橙色外衣，夠晒Sharp。照出來光度夠強，高度唔算高，放喺大廳就好似有個小型懷舊巴士站，超級搞鬼！
售價：$1,999（d）
樹脂膠框唔辣手
尺寸：闊25×高105cm
意大利FontanaArte嘅Sag系列座地燈，以六個燈炮組成一條直柱，款式較Young。框架以優質樹脂膠製造，耐熱度較高，唔會過度傳熱，就算家中小朋友掂到膠邊都唔會辣親手。
售價：$3,280（c）
光度柔和
尺寸：直徑25×高129cm
OCC日式仿竹形的座地燈，表面係一層百褶面布，以營造出較穩固同挺身的效果。裏面加有一層高度耐熱的蠟紙，令透光度顯得均勻，望落去燈光較柔和。
原價：$1,899
特價：$569（c）
售賣點：
a）宜家傢俬 31250888 九龍灣德福廣場二期三樓
b）石頭記 28922866 銅鑼灣東角道24-26號東角駅140號舖
c）PLC燈飾 23960077 旺角道8號C一樓全層
d）aluminium 25774066 灣仔皇后大道東58-64號帝后商業中心地下及地庫F舖
e）tintliving 31043104 銅鑼灣邊寧頓街5號
f）francfranc 31068958 九龍塘又一城G27號舖