「香港良心」陳方安生噚日出席香港人壽保險從業員協會活動，獲委任為贊助人。活動中途，大會突擊同陳太唱生日歌同切蛋糕，原來陳太星期一生日。記者會後問陳太有乜生日願望，陳太報以燦爛嘅「四萬」笑容，話最想係出入平安、身體健康，跟住係咁嘻嘻笑，最後話，女人最想要嘅，梗係青春常駐。
八方覺得「青春常駐」呢句願望太過師奶，陳太係女中豪傑，口味點會咁普通？一九四○年一月十七日出世嘅陳太，容光煥發、面皮光滑，橫睇掂睇，都唔似六十五歲，更加唔似只同老董爭三年，睇到老董個樣咁殘、陳太咁正，就明白點解阿董勸人唔好做特首。
同一場合嘅議員陳智思為咗參與流會一事亦好煩惱，搞到要為此道歉，佢噚日不時同陳太密斟，唔知係咪請教點補鑊呢？佢之後話，唔認同要次次以用流會反擊民主派，算佢學精咗啲。
傳真︰2623-9278
電郵︰